PROCESO SELECTIVO PARA UNHA NOVA PRAZA DE ADMINISTRATIVO

O CONCELLO DE VIVEIRO ACOLLE UN PROCESO SELECTIVO PARA UNHA NOVA PRAZA DE ADMINISTRATIVO

Viveiro, 21 de xaneiro de 2022. O Concello de Viveiro puxo en marcha hai semanas un proceso selectivo para aumentar a plantilla municipal cunha nova praza de administrativo.

En concreto, onte pola tarde no pavillón Antonio Tarrío, do IES Vilar Ponte, tivo lugar o primeiro exame deste proceso selectivo para unha praza de administrativo, pertencente á escala de Administración Xeral, subescala Administrativa e clase media, mediante o sistema de oposición en turno libre.

Dentro das súas competencias, o Concello de Viveiro organiza durante todo o ano diferentes procesos selectivos para aumentar a plantilla de traballadores municipais e dar o mellor servizo posible aos seus veciños e veciñas.

A proba realizouse con normalidade e seguindo os protocolos COVID establecidos.

Saúdos, Comunicación do Concello de Viveiro