O CONCELLO DE VIVEIRO AGRADECE O TRABALLO E A COLABORACIÓN EN BENEFICIO DOS VECIÑOS COA POLICÍA NACIONAL

O CONCELLO DE VIVEIRO AGRADECE O TRABALLO E A COLABORACIÓN EN BENEFICIO DOS VECIÑOS COA POLICÍA NACIONAL, QUE HOXE CELEBRA O SEU PATRÓN

Viveiro, 4 de outubro de 2022. O Concello de Viveiro celebrou hoxe no Teatro Pastor Díaz un acto polo día dos Santos Ánxeles Custodios, patrón da Policía Nacional.

No mesmo, a alcaldesa de Viveiro, María Loureiro, felicitou ao todos os axentes que recibiron unha distinción e destacou “a excelente relación existente entre o concello e a Policía Nacional, baseada na cordialidade e na colaboración mutua, traballando sempre en beneficio dos nosos veciños e veciñas”.

“Víveiro é afortunadamente un municipio cun baixo nivel de delincuencia, grazas á labor diaria das forzas e corpos de seguridade, e a colaboración entre eles”, engadiu.

“Sen dúbida merecen que a sociedade dedique un día a ano a recoñecer o seu traballo, do que somos testemuñas a diario”, rematou.

Saúdos, Comunicación do Concello de Viveiro