27
Marzo
CORTES DE LUZ
O CONCELLO PIDE DESCULPAS POLOS CORTES DE LUZ DERIVADOS DAS OBRAS DE SANEAMENTO EN LAVANDEIRAS, EN CELEIRO, E INFORMA QUE RECLAMOU XA UNHA SOLUCIÓN Á XUNTA COMO RESPONSABLE DA OBRA
Viveiro, 24 de marzo de 2023. O Concello de Viveiro pide desculpas aos veciños e veciñas de Lavandeiras polos cortes de luz que se están a producir como consecuencia das obras para a mellora do saneamento e informa que se está a buscar unha solución cos responsables da empresa adxudicataria da Xunta, responsable desta actuación.
Dende o grupo de goberno se ten constancia dos cortes de luz que ven sufrindo á veciñanza derivado do manexo da maquinaria tanto á hora de instalar a tubaxe como nos movementos de terra no tanque de tormentas, pero informan que “o concello é totalmente alleo a súa execución”.
“Por parte do concello chamouse unha empresa eléctrica que xa tivo que acudir en varias ocasións a restablecer as liñas de luz. No dia de hoxe ían poñer un trenzado provisional para que deixe de suceder”, subliñan.
Saúdos, Comunicación Concello de Viveiro.