01
Xuño
BORRADOR DAS BASES DAS AXUDAS DO PLAN DE REACTIVACIÓN ECONÓMICA
BORRADOR DAS BASES REGULADORAS DAS AXUDAS PARA O IMPULSO DA ACTIVIDADE ECONÓMICA NO TERMO MUNICIPAL DE VIVEIRO, PARA PALIAR OS EFECTOS DO COVID-19, INCLUÍDAS NO PLAN DE REACTIVACIÓN ECONÓMICA DO CONCELLO DE VIVEIRO
Por medio do presente dáselle traslado do BORRADOR das Bases reguladoras de axudas para o impulso da actividade económica no termo municipal de Viveiro, para paliar os efectos do COVID-19, incluídas no Plan de Reactivación Económica do Concello de Viveiro, co obxectivo de que se poida coñecer o seu contido de cara a recompilar a documentación necesaria para a presentación da solicitude no momento de abrirse o prazo.
Neste sentido, cómpre sinalar que na orde do día do pleno que terá lugar o 2 de xuño se inclúe a aprobación do orzamento municipal, no que se recolle a dotación económica necesaria para o Plan de Reactivación Económica. Tras a aprobación e publicación do orzamento, cando este entre en vigor, procederase á publicación das bases definitivas e á apertura do prazo para a presentación das solicitudes.
Mentres se realizan os trámites referidos, dende o Concello de Viveiro quérese facilitar este BORRADOR para que os posibles beneficiarios destas axudas poidan ter unha idea xeral da documentación que se vai requerir.
Viveiro, na data que consta á marxe.
A Alcaldesa
María Loureiro García
