ALUMEADO PÚBLICO DE SANTO ALBITES

ALUMEADO PÚBLICO DE SANTO ALBITES

O CONCELLO DE VIVEIRO INFORMA DO REMATE DAS OBRAS NO ALUMEADO PÚBLICO DE SANTO ALBITES E DA MELLORA EN VARIOS CAMIÑOS MUNICIPAIS

Viveiro, 21 de outubro de 2022. O Concello de Viveiro informa do remate das obras que se realizaron no alumeado público de Santo Albites e das actuacións de mellora en diversos camiños municipais. Ambas actuacións se recepcionaron esta semana.

A mellora no alumeado público beneficiará a practicamente toda a zona de Santo Albites. O orzamento de contrata desta actuación ascendeu a 92.755,80 € (IVE incluído) e inclúese na subvención do Fondo de Compensación Ambiental. 

Esta obra implica un importante reforzo e mellora da eficiencia enerxética desta zona, co súa conseguinte mellora lumínica e aforro enerxético.

Tamén remataron as obras de mellora de varios viais de Covas e Vieiro, incluídas dentro da subvención do Agader. Trátase en concreto da pista da Pedreira e da pista Pedreira-Foro, na parroquia de Covas, e das pistas Chousa Vella e da Cova, en Vieiro.

As obras que se realizaron nestes camiños consistiron na mellora do firme existente, ademais da limpeza de cunetas, obras de barrido e limpeza previos do vial, sinalización, etc. O orzamento total ascendeu a 84.502,62 euros.

Saúdos, Comunicación do Concello de Viveiro

  • Máis fotografías

  • Uso de cookies
    Utilizamos cookies propias y de terceros para mejorar nuestros servicios y mostrarle publicidad relacionada con sus preferencias mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o bien conocer cómo cambiar la configuración, en nuestra Política de cookies

    continuar